نــــــــــــكــــــــت

جنون و مجنونة كانو ماشيين جمب بسين فى مستشفى المجانين ... فالمجنون رمى
نفسه فى المياه والمجنونة انقذته (جاه الدكتور تانى يوم للمجنونة وقال لها
عندى ليكى خبر حلو والتانى وحش الاول انتى خفيتى وهتخرجى من المستشفى ،
والتانى صاحبك المجنون شنق نفسه) قالت له لأ ..ده انا كنت معلقاه عشان ينشف

***************************************

كان فى قرية كلها اغبياء وكان فيها حفرة كل الناس بتوقع فيها وتتعور
العمدة جمع اذكى 3 فى القرية علشان يحلو المشكلة
اول واحد قال: احنا نبنى مستشفى جنب الحفرة اللى يقع يدخل يتعالج
العمدة:انت غبى اوى
تانى واحد:احنا نجيب اسعاف جانب الحفرة اللى يقع تشيلة للمستشفى
العمدة:انت اغبى منة اقعد
التالت:يا حضرة العمدة احنا نردم الحفرة دى ونعمل واحدة تانية جنب المستشفى

***********************************

ضابط المرور بيحقق فى حادث… سأل الاول ..
فرد .. يا بية انا اديتة كلاكس .. واديتة انوار وصرخت فية علشان
يبعد ومفيش فايد سأل التانى .
…… فرد … يابية انا اعمل اية ، انا قاعد فى الكشك بتاعى
***************************************
مرة واحد مسطول قال لواحد مسطول تانى هو العمود ده منور قاله معرفش أصلى مش من المنطقة

***************************************

واحد بخيل جاله شحات وقاله : أنا جعان ومدقتش طعم العيش بقالي يومين ، قاله البخيل : هو نفس الطعم متغيرش

***************************************

قسم الرجال المصريين عند الزواج: أقسم برب البريه ، أن أكون مطيعا للوليه ،
وأن أسلمها المهيه ، وكل الحوافز الظاهرة والمخفية ، وأن أقطف لها
الملوخية ، وأن أكون في البيت من المغربية ، وحسبنا الله ونعم الوكيل فالست
ديه

***************************************

* مرة واحد صعيدى راح عند الصيدلي قال له: عندك لبن أطفال

الصيدلي سأله : اسمه إيه ؟

الصعيدى قال له : هريدى
***************************************

صعيدي راح للدكتور ، الدكتور قال له امشي كل يوم 5 كيلو.

اتصل الصعيدى بعد أربعين يوم بالدكتور وقال له انا دلوقتى داخل على اسكندرية اعمل ايه؟ .

***************************************

واحد عصبي وجعه ضرسه راح للدكتور وقال له اقلع كل ضروسي وخله زي الكلب لوحده

***************************************
واحدة ست راحت للدكتور قالته يادكتور إبنى مبياكلش كويس قالها طيب بيفطر إيه
قالتله ياعين أمه ياعين أمه بيفطر20بيضة بس قالهاطيب بيتغدى إيه قالتله ياعين
أمه ياعين أمه30فرخة بس قالها طيب بيتعشيه إيه قالتله ياعين أمه ياعين أمه ورك
خروف بس رد عليها وقالها ياعين أمه ياعين أمه كمان شوية ياكل الدكتور وأمه

***********************************

* تم طرح مناقصة لصيانة سور البيت الابيض
تقدم 3مقاولين امريكاني و مكسيكي و مصرى للمناقصة
الامريكاني اخد مقاسات السور و تقدم بسعر 900 دولار
سأله مسئول البيت الابيض: ليه 900 دولار
قال : 400 دولار خامات+ 400 دولار عمالة و 100 دولار مكسب
و المكسيكي اخد مقاسات السور و تقدم ب 700 دولار للمناقصة
لما سأله قال: 300 دولار خامات+ 300 دولار عمالة و 100 دولار مكسب
أما المصرى فراح من غير ماياخد أي مقاسات و قال للمسئول: أنا هاخد 2700 دولار في الحوار دة
المسئول رد علية و قالة: ليه يا عم كل ده
رد علية المصرى و قالة: 1000 دولار ليا و 1000 دولار ليك و نجيب المكسيكي يعمل الشغلانة بـ 700
*****************************

هههههههههههههههه

شكرا على النكت

نكت جامده يا ايه
مشكوووره
نــــــــــــكــــــــت 749545

هههههههههههههههههههههههههههههههههههه
شكرا على النكت الجامده جداااا

هههههههههههه
شكرا يا ايه على النكت