الكرسى الجميل

ما أجمله ...كرسي فسيح
ف القعده مريح
ف الشكل مليح
بساط ريح
يوصلك ف ثواني
ويرجعك من تاني
يسمعك الأغاني
ويحقق لك الأماني
يطبخ لك الملوخيه ف ثواني
ويحصنك م الفقر اللي جاني
مصنوع من خشب الآرو
ومبطن كمان بالفرو
والله كرسي متين
يقولوا لك دايما آمين
حتي لو لعبت ف الطين
ولا رهنت الفدادين
يعدل لك العوجه
ويركبك الموجه
تقعد عليه تنتشي
وتقول للعزول إختشي
و إن قعد عليه أو مشي
الكرسي راجع راجع
لجل يشفي م المواجع
ويداري ع الفواجع
ماهو أصله ساحر
م الفقر عامله ساتر
الشباب تروح ..تهاجر
وصاحبنا بآلامهم تاجر
العظيمه بقت عقيمه
وشبابنا عديم القيمه
ساب الشغل وراح السيما
ونسي معني كلمه عزيمه
قال لك مفيش فايده
سوق الكراسي أسعاره قايده
والبطاله بقت زايده
ومادام ماليش كراسي
أروح لعمي اللي ناسي
وأقوله ياعمي
شيل عني همي
ولا أشتكيك للغاليه أمي
اللي نيلها هو دمي
والله دول مصوا دمي
بالسرطان موتوا أمي
خليك فاكرني ياعمي
نفسي ف حته كرسي
ألاقي فيه نفسي
لجل يزيد بالوطنيه حسي
بدل ماتسمع مني كلمه واء
خليني أعيش الانتماء
قبل مانقول كلنا ماااء
خلينا يا عمي سواء
لجل تدعي لك الغاليه أمي
إللي نيلها هو دمي

يا سلالالالالالام ع الكلمات الجميلة,
حقيقي شكرا ..

شكرا يا اسماء مواضيعك رائعة جدااا

جمل جميله باين عليكي شاعره كبيره واحنا مش عرفيين

موضوع جميل شكرااااااا

شكرا على المرور

شكرا على الموضوع

شكرا لمرورك