الرئيس مبارك بين مؤيد ومعارض...

السلام عليكم ورحمة الله وبركاته

ازيكم يا اعضاء المنتدى الكرام

طبعا كلنا تابعنا الاحداث خلال 8 ايام اللي فاتو واللي حصل من تدهور في الاحوال الاقتصادية وانتشار البلطجية في كل مكان واظن ان الكل حضر الاحداث ديه و الاهالي نزلو بالعصيان و دافعو عن بيوتهم ... وغيرها من الاحداث الكتيرة اووي لغاية ما وصلنا لمظاهرات لتاييد الرئيس مبارك ومظاهرات ضد الرئيس مبارك

وامبارح القى الرئيس مبارك بيان واكيد الكل شاف البيان ده

واعتقد انه كان من المفروض ان يرضي جموع الشعب الغاضبة

يعنني كلنا لاحظانا ان الرئيس مبارك كان صادق في البيان ده

واعتقد انه حقق بعض من مطالب الشعب وان كانت هذه المطالب جاءت بطريقة غير مباشرة لكنها كان من المفتترض ان تكون كافية لتهدئة ثورة الشعب وهو ما جاء عكسه تماما في الشارع المصري

فالبيان ده تضمن

1-عدم ترشح الرئيس مرة اخرى لفترة رئاسية جديدة

2-تعديل المادة 76 و77 من الدستور بشان الانتخابات الرئاسية

3- حل مجلس الشعب والشورى او قبول الطعن في الاعضاء المزورين

وناحية رايي الشخصي ان المطالب ديه هيترتب عليها عدم ترشح جمال مبارك للرئاسة او حتى لو اترشح هيبقى في انتخابات نزيهة ورقابة قضائيىة

يبقى الشعب عايز ايه تاني بقى ؟

وفي ناس زي البرادعي عمالة تولع في الموضوع وتطالب الرئيس مبارك بالتنحي فورا

في اي حال من الاحوال مبارك ماكنش زي بن علي ابدا

مبارك كان ليه اعمال كتير كويسة

وكان صاحب الضربة الجوية في حرب اكتوبر

وقدم اصلاحات كتير للبلد

وعلى الاقل كان حافظ امن البلد

الكل هيعتقد اني بايد الرئيس مبارك

لا طبعا ان مش بايده وان كان المنافقين اللي حوليه من الوزراء وصفوت لشريف واحمد عز وغيرهم كتير .. هما اللي ضللوه

يعني على الاقل يخرج بكرامته من الحكم تقديرا له

وبعدين هو مش عايز غير انه يسيب البلد هادية قبل ما يخرج

وبعدين ده مصري ومهما كان مش زي بن على الخاين

ده رايي و ياريت من اي حد يقرا الموضوع ده يقول رأيه

هل انت مؤيد برحيل الرئيس فورا زي ما حصل في تونس ولا يخرج الرئيس مبارك بعد انتهاء ولايته ويختار الشعب الرئيس اللي يمثله ؟؟

ومن تراه مناسبا ليصبح الرئيس القدام لمصر ؟؟

وما رايك في الحكومة الجديدة ؟؟

الصراحة ما كنت متوقعة النتائج اللي حققتها المظاهرات

انا من وجهة نظري ان بيان امبارح كان مرضي

يعني الرئيس اعلن عدم ترشحه فترة جديدة و المظاهرات دمرت مستقبل جمال

السياسي يعني ما في اي امل للتوريث ..

و في تعديل للدستور و تنفيذ ااحكام القضائية التي طعنت في الانتخابات و

تعيين نائب للرئيس

يعني في تغييرات حصلت و ان كانت خطوات في البداية

و فعلا الرئيس كان ليه ايجابيات كتير في بداية حكمه
يعني ما يستحق يخرج بطريقة مهينة خصوصا ان فاضل كام شهر و ينتهي حكمه

..و كفاية الدمار الي طال القاهرة ..

يعني في مطالب كتير اتحققت ... نصبر شوية و نشوف الحكومة الجديدة هتعمل ايه ؟؟

وفي ناس زي البرادعي عمالة تولع في الموضوع وتطالب الرئيس مبارك بالتنحي فورا

و اله احنا شعب طيب _ بعيدا عن ان الريس صادق و لا _
احنا بيضحك عينا بكلمتين .

الريس محدش ينكر انه اتكلم بصراحة كبيرة ,
لكن 30 سنة من حكمه خلونا خبرة منصدقش الا لما ألاقي شئ
ملموس في ايدي و فورا .......

و حكاية البرادعي وغيره,الي عاجبه البرادعي يعجبه والي مش عاجبه هو حر......البرادعي مبيسخنش حد , البرادعي له الفضل الاول في الي احنا فيه

و الحكومة دي كويسة طالما هي بقيادة د/احمد شفيق

و عن الرئيس القادم فانا اريد البرادعي او عمرو موسي

والله يا كابتن احمد انا بحكم بعقلي مش بمشي ورا أي كلام اسمعه

وبعدين البرادعي اللي انت فرحان بيه ده اصلا عمال يولعها

ده عايز يقلب البلد اكتر ما هي مقلوبة

حسني كده كده هيطلع بعد ستة اشهر ايه مصلحته انه يطلعه دلوقتي

هو شغال يولع فيها ويهيج الشعب مش بدل اما يهدي الشعب ومش كفاية التخريب اللي حصل

انا من رأيي أييد عمرو موسى

والبرادعي ده مايحشرش نفسه

بسم الله الرحمن الرحيم
انا ضد خروج مبارك بهذه الطريقة انا طبعا من معارضين الرئيس
لكن من جهة نظرى انها لحظات يسجلها التاريخ و ان من طباع الشخصيه المصريه احترام الكبير (ارحموا عزيز قوم ذل) يخرج من الرئسه بكرامتة
اما عن ترشيح رئيس جديد فهذا من خلال اقامة انتخابات نزيهة فى مصر اما من وجهة نظرى فافضلهم هو (عمرو موسى)
اما عن البرادعى فإننا لم ننسى انه كان سبب فى حرب العراق
ولو هو مصرى وخايف اوى على بلده يهدى الاوضاع القائمة ولا يساعد على اثارة الشباب
اما فى الحكومة الجديدة انا من وجهة نظرى فانها حكومة جيدا
وانها اذا استمرت فيحدث تغير كبير انشاء الله الى الافضل
وشكرا على الموضوع

هو ده ردي

اولا بشكركوا علي الموضوع دا
احنا مصريين اولا
عاوزة اسالكم سواال الاول
انتم عندكم كام سنة
انت تعرف ايييييييه عن السياسة

المؤيد للبرادعي
البرادعي ادم اييييييه لمصر
ادم اييييييييه للعرب
ادم اييه لك تو لكي
المعارض لمبارك ايييييييييه الظلم اللي وقع علييييك انت منه
انا مشعاوزة اننا نتحاسب علي الفتنة دى
كفايااا كلام بقي مصر بتنهااااار
انا لازم اقوووول ان امريكا بدات تشوووف همجيين ادمها لازم نهدي
الرسول قال ان الفتنة لما تنتشر لازم نصمت ونلزم بيتنا
وقال اني الفتنة خامدة لعن اللة من ايقظها
بشكر رد شيماااااااااااء اللي بجد دا اللي كنت عاوزة ان احنا نوصلوااااااااااااااا
وعجبني التفكير العاقل اللي بين الاعضاء


شكراااااااااااااااااااااااااااااااااااااااا
لمــــــــــــــــــــــــــــــــــــــــــــــــــــــــــــــــــــــصر

تعليقا علي كلام رضوي
مش معني اننا عايشين باستقرار و نعتبر مرفهين
بالنسبة لباقي الشعب اننا ننسي الناس المظلومين في مصر

جايز ما نعرفش كتير يا رضوي

لكن اللي اعرفه 40 % من المصريين تحت خط الفقر
و الباقي صدقيني علي خط الفقر نفسه !!
و عائلة حسني مبارك أثري عائلة في العالم
املاكهم تقدر من 40 الي 70 مليار دولار
و تقولي ما في ظلم !!!
افتكري ان جمال عبد الناصر مات و هوا واخد قرض من البنك بضمان مرتبه عشان يجوز بنته !!

يا تري مرتبه الحكومي لمدة تلاتين سنة يعمل واحد علي الف من المبلغ ده !!!
الرئيس بتاعنا اغني من صاحب شركة مايكروسوفت !!!! لينا الفخر !!!!!

لما شباب يتخرج من سنين و ما يلاقي شغل
و لما بكالوريوس طب و هندسة علي القهاوي او سواقين
الا اللي ليه واسطة و لا حد مهم !!
ده مش ظلم

لما واحد يدفع مرتبه كله كايجار ده مش ظلم
فعلا المصري دلوقتي المواطن المطحون

الاحتكار
قانون الطوارئ

يا رضوي الفساد تفشي من اصغر اداري لاكبر واحد في الحكومة

انا اتمني المظاهرات توقف بس عشان الشباب اللي بيموت و الاقتصاد اللي بيدمر
انما مش تابيداا لمبارك او حاشيته
النظام فقد شرعيته من اول يوم مظاهرات
و اللي حصل ده هيتكتب في التاريخ

لو كانت مصلحة البلد من اولوياته كان تنحي و يوقف نهر دماء الشباب
يعني الملك فاروق ساب الحكم مع ان كان بمقدوره يقاوم

يا اية انا باتكلم عن التهدئة
انا لما عرفت من الشيخ محمود المصري اني القنوات قالت له اني سياستها عدم تهدئة وضع مصر وشوفو امير قطر واللي بيعملوا حسيت اني مصر سقوطها متعلق بسقوط مبارك لذا ادعوا للتهدئة
سمعت اني في خطة خارجية لضياع البلد
عشان كدة لازم نرد ونقول
قال الرسول الكريم
الفتنة خامدة من لعن الله من ايقظها


واحد طلع علي الجزيرة الخائنة يقول انا عاوز مبارك يمشي
لما سالوه ليييييه قال عشان بقالوا تلاتين سنة وانا عاوز اشوف واحد غيره
محسسني انو بيتكلم علي قميص يني
انا معاه في اول نقطة لكن ميكنش دا رد يعبر عن شاب مثقف
واحد بيقول معنديش غير طقم واحد
هل البرادعي هيملالوا الدلاب بدل
انا مبقولش مبارك الرخل الخالي من الاخطاء لكن مافيش عقل يقول امشي دلوقتي خالص دا غباء
لكن 200 يوم يعدي انشاء الله علي خير هيسبها لكن الان دا مرفوض

اولا لان مافيش اي من الانجازات اللي وعد بها الريس هتحصل
تانيا الحكومة اللي انا بوصفها بالرائعة هتمشي للاسف
تالتا هيحصل نزاع عن السلطة بين البرادعي والاخوان وايمن نور وغيره كتير




اولا انا عاوزة نعرف اني في موامرة من العرب اخواتنا للاسف بيتهيالي قراتوا الموضوع بتاع شيماء
تانيا انا عتوزة نطبق كلامك الرسول ( صلي الله عليه وسلم )
بالتهدئة وعدم الجدال اللي انا شيفاه


وما ننسا البنت اللي جت علي المحور وقالت عن التنظيم الامريكي اليهودي القطري



مصــــــــــــــــــــــــــــــــــــــــــر
فوق الجمــــــــــــــــــــــــــــــــــــــــــــــــــــــــيع

بلاش نولعها و عاوزة اقوووووووووولان الاقتصاد كل يوم بينهار
حراااااااااام علي من يشعل الفتنة بين المصريين
لازم ما نتكلم في الموضوع دا كتير من اجل الاسلام وطاعة لله


انا بادعوا الله لان ينصرنا علي من يمكر بمصر ولا اريد سوي هذا منكم الدعاء لان يكشف عنا البلاء
وان يولي من يصلح بعيدا عن اي اتجاااااه
اللهم ارفع شان مصر واحمها


تحيا مصر

ربنا يحمي مصر ان شاء الله
و ما يشمت بينا الاعداء

ماشي انا معاكي في موضوع التهدئة لمصلحة البلد
يعني برده انا بحس في انقسامات بين الاحزاب و ما بشوف اي شحص يصلح للرئاسة غير عمرو موسي
ليه مواقف كتيرر مشرفة

لكن انتي في ردك الاول حسستيني ان كل الناس ظالماه و انهم مفتريين يعني !!!!

ربنا يستر و تعدي الازمة دي علي خير !!

معلش قولت رايى متاخر
بس هاقوله وخلاص
اولا :واحد زى البرادعى معاشش فى مصر
وكل اللى عارفه عنها من شباب الفيس بوك
ومجاش مصر الا فى السنوات الاخيره
وكمان مرتضى منصور انتقده وهو كان السبب فى دخول امريكا العراق
مننساش كمان ان هو كان عايش فى النمسا
وبيطالب الرئيس مبارك بالتنحى
حتى بعد الخطاب الى قالو وكان باين فيه انه مكسور جامد
دا مش معناه ان انا مع مبارك ولكن بالعقل كده ناقص كام شهر على الانتخابات تانى:شويه شهور مايصبروا.الناس كانوا خايفين من ان مبارك هيرشح نفسه تانى او ابنه جمال بس هو خلاص قال انه مش هيرشح نفسه ولا ابنه كمان
ثانيا:المصرييين حققوا فى المظاهرات دى حاجات كتيره اوى كان من المستحيل ان هيا تتحقق
خلاص يدوا فرصه للحكومه الجدييده هانشوفها هاتعمل ايه ولو معملتش حاجه يتظاهروا تانى مفيش مشكله
كفايه ان منظرنا وحش قدام الاجانب والدول العربيه.الى قاعدين يولعوا فى مصر
وزى ما قالت رضوى ان مينفعش يمشى دلوقتى وان الاقتصاد بيتدهور

بسم الله الرحمن الرحيم
معلش انا هرد كمان مرة
انا عايزة اسال كام سؤال ؟
كسب ايه حسنى وهو قاعد؟
كسب ايه من موت الالاف من الشباب؟
كسب ايه من التخلف الى ساد؟

هو لو مات دلوقتى مفيش حد مخلص هيقدر يمسك البلد ؟
هو يعنى استغفر الله عامل معاهدة انوا هو مايمتش غير بعد فترة الرئاسه
وانتوا بتقولوا اقتصاد مصر اتدهور بامرة انوا الرئيس حسنى مبارك يملك سبعين مليار غير العقارات الى فى لندن وديون مصر 49 فقط يعنى هو ميعرفش يسدد د يون مص و وهيفيض كمان

شكرا لردكم وارائكم