عايز تبقى غلس و رخم... طيب تعالوا هنا فى دروس للرخامة ...

لسلام عليكم و رحمة الله و بركاتة

ازيكم
عاملين اية

بصوا اللى عايز يتعلم
الرخامة ييجى هنااااا

قول نكته طويله و لما تيجى عند آخر
سطر و هو السطر المهم اللى فيه الأفيه و أعمل نفسك نسيته ، ولو حد غلس قوله
: و الله كانت نكته جامده بس الظاهر أنى نسيتها .

• هات بخاخه مطهر ديتول و أمشى ورا شخص ما فى اى حته ، و كل ما الشخص ده
يمسك حاجه و يسيبها ... تروح راششها بالمطهر على طول.

• و أنت بتتكلم فى موضوع أقطع كلامك و أدى انطباع أنك
هاتكمل ... و ماتكملش ..."بس خلاص كده " .

• لما حد يشكى لك من حاجه قوله أنا عندى مشاكل أكتر منك.

• فى مطعم... بص للشخص اللى قاعد على ترابيزه جنبك و أنت ماسك لقمه فى
ايدك و قوله "ممكن الطحينه بتاعتك ثوانى" ؟.

• كل ما حد يقولك حاجه عيدها بصيغه سؤال ، مثلا هايقولك "مش أنا اتجوزت"
قوله "أتجوزت؟!" هايقولك "اه الشهر اللى فات" قوله " الشهر اللى فات؟!"
..... و هكذا .

• و أنت واقف بتتكلم مع حد برق عينيك فجأه و أسأله "سمعت؟!" هيسألك "سمعت
ايه؟!" قوله ولا حاجه ... خلاص راحت .

• بعد عشر دقايق ، اعمل نفس الحركه تانى .

• و انت بتتكلم مع شخص ما ، ماتبصش فى وشه أبدا .

• و انت بتتكلم مع شخص ما ، افضل مركز فى وشه اوى .

• طول ما أنت قاعد مع زمايلك ، صفر موسيقى نشيد بلادى بلادى .

• علق فانوس كبير فى الشارع و حبال زينه ، بشرط ميكونش فى رمضان !!! .

• أتكلم مع الناس بصوت الروبوت .

• أستلف قلم من حد ، وحط القلم فى بقك ، و أعمل نفسك بتفكر و منهمك و أنت
عمال تعضعض فى القلم !!! .

• و أنت فى المول ، ماتمشيش عادى ، لأ .. افضل نط لحد ماتوصل للمكان اللى
رايحه .

• فى المترو امضغ لبانه بصوت عالى و انت واقف جنب حد بيقرا مجله او جرنان ،
و أنت بتقرا معاه طبعا .

• اعزم ناس فى حفلات ناس تانيه "عيد ميلاد او خطوبه او فرح ..." .

• سيب اشاره العربيه الشمال شغاله لمده 5 كيلو متر من غير ماتلف .. و
بعدين اطفيها فجأه و كمل طوالى !!! .

• أول ماتشوف كيس كاتشب واقع عالأرض دوس عليه برجلك جامد و قول للى معاك
"أنا كنت بشوفه فاضى و لا مليان" !!! .

• فى حفله عيد ميلادك أطلب من ال D.jأنو يشغل أغنيه بعينها 18 مره ورا بعض
.. "أنا بحب الأغنيه دى اوى يا جماعة" !! .

• لو واقف جنب حد بيعد فلوس و فى وسط ما هوا بيعد قول اى رقم عشوائى "862"
.

• العب فى الوان التليفزيون لحد ما الصوره تبقى بنفسجى ، وتبقى الناس كلها
لونها بنفسجى ، و اعزم اصحابك عالماتش عندك فى البيت .. و لو حد اعترض ،
قوله "أنا شايف ان ده لون الحياه الحقيقى" !!! .

• و أنت ماشى فى حته اى حاجه تقابلك طبل عليها .

• البس جراب زى الجراب اللى بيتحط فيه المسدس .. بس حط فيه الريموت كنترول
.

• غير القناه قبل نهايه الفيلم او الماتش او المسلسل بخمس دقايق

.
lأضحك لواحده ماتعرفهاش فى الشارع وقولها بصوت عالى " ازيك .. عامله
ايه؟!!!

المصدر : http://100fm6.com/vb/showthread.php?s=dd5af3b7cf741e041aac6b9fd2adbcf7&t=65233
- 100fm6.com

هااااااااااااااااااا اخبار الرخامة ايه
اتعلمتوا ولا لسه
عايز تبقى غلس و رخم... طيب تعالوا هنا فى دروس للرخامة ... 1076

عايز تبقى غلس و رخم... طيب تعالوا هنا فى دروس للرخامة ... 26663

هههههههههههههههههه

الحركة دي مستفزة جداااا

لو واقف جنب حد بيعد فلوس

و في وسط ما هو بيعد قول رقم عشوائي ههههههههههه

شكرا يا ريم

» عايز تبقى طيار ادخل هنا
» ازاى تبقى رذل فى المواصلات
» لو مضحكتش تبقى كئيب
» ارخم حاجة لما تتعرض للاسئلة دى تعالوا نشوفها
» تخيلوا لو البنا ت هى اللى بتخطب ....... تعالوا نشوف