كنت في السويس ... اضطريت اروح قهوة علشان اتفرج علي ماتش الاهلي و الانتاج الحربي علشان ميفتنيش الماتش....
ودخلت انا اقرب قهوة اقبلتها و قعدت لكن من كتر الدخان الصادر من الشيشة و السجاير مقدرتش ولا اشوف و لا اتنفس .... كنت حاسس اني قاعد في غرزة .
قمت و سيبت القهوة و رحت قهوة ثانية . ونفس الحكاية بس كان الدحان اخف بكتير الماتش كان بارد لزلك لم يشغلني , الي شغلني القهوة و ما بداخلها ؟
معظم ان لم يكن كل زبائن القهوة شباب من25الي 40 سنة , كم هائل من الشيشة , و المؤدب الي فيهم يدوب بيشرب سيجارة . الالفاظ التي يتعامل بعا هؤلاء الشباب تفوق الوصف في القزارة ؟
كنت حاسس ان البوليس جاي بعد شوية , حاسس اني بتفرج ع فيلم .
و لما الماتش خلص وقبلت اهلي بعد ما خلصوا مشاورهم , بدأت افكر في حال الشباب دول ......
هل الي هما فيه فساد و انحراف و قلة تربية ؟
ولا الشباب دول لو اول اما اتخرجوا و الحكومة وفرت ليهم فرصة عمل/مستخيل/ كان هيبقي حالهم كده؟
هل هما دورا وملقوش ؟ ولا لقوا طريق الفساد اسهل ؟
ايه نهاية الشباب دي ؟ لو سمعتوا في الاخبار بيقولك في شاب اسمه عمرو انتحر علشان مني ..... ضيع دنيته و اخرته علشان جمال عيونها.....
لو القصة الجميلة دي استمرت كده . نهاية الشاب اما يكتئب من الحكومة ...
واما ينتحر زي عمرو ... و اما يبقي بلطجي او مجرم اد الدنبا ....
بس في نوع كمان نوع بيحاول يحل مشكله و يصلح من سياسة بلده في الاعلام في النت في اي حتة و ده اخرته المعتقل ....... و باي باي
موضوع: رحلة داخل قهوة /شباب مصر/ 
الخميس يونيو 03, 2010 7:33 pm
