تعالو نشوف رسايل الطلبة ايام الامتحانات
مساء الحوسة
والمذاكرة المنحوسة
والدماغ الملحوسة
ويارب ينجحنا ولو بالكوسة
بدأ حصريا على قناة ( احنا مش نافعين )
الفيلم المرعب (الامتحانات )
الحائز عل جائزة ( كله كلام فارغ )
لتعذيب الطلاب
بطولة عدد كبير من الدكاترة
ما معنى كلمة امتحان ؟؟؟
أ : أيام نكد وعذاب
م : مخ من المذاكره داب
ت : تعب وزهق واللى يقول غيره كده كداب
ح : حاله نفسية هباب
ن : نرفزه وملل من الكتاب
تعريف الطالب الجامعى !!!
هو كائن نصف حى
شبه ميت
مطحون دراسيا
مخنوق يوميا
مقهور منهجيا
ومن كتر الضغط أصبح غبيا
وبعد النتيجة
إتهبل رسميا
قمه الهدوء :
انك تقرا كتاب انت مش فاهمه
قمه الهبل :
انك تقلب الصفحة
قمه التناحه :
انك تمتحن فيه
قمه النفاق :
انك تدعى للدكتور اللى كاتبه
حاسس بدماغى بتاكلنى
قاعد فى اللجنه باهلفط
والورق عمال يتشخبط
والأستاذ اللى ورايا قدامى
والاجابة على طرف لسانى
اجي اجاوب بتلخبط
والولد اللى ورايا بيغنى
واللى جنبى بيغش منى
والبنات تلطم وتصوت
مثلما قال المطرب الكبير
.............
انا مهما ذاكرت هبرشم
انا مهما ذاكرت هشيل
مش ممكن يوم اتغير
ولا عمرى هجيب تقدير
عروض الامتحانات
رهيبة السنه دى .... (ليه تشيل ماده !! لما ممكن تشيل مادتين شيل واحده وخد
التانيه هديه) ( ليه تشيل لوحدك !! شيل انت وصحابك مع نظام افشل ناس اختار
ثلاثه من اصحابك يشيلوا معاك)
بمنسابة الإمتحانات
نتمنى لكم
غش مستور
وبرشام منصور
ومراقب طرطور
نام وريح ع المخدة ياتيك النجاح ف كل مادة
نام واديها اهات تنجح وتجيب درجات
نام واديها شخير تنجح وتجيب تقدير
حصريا ع قناة مذاكرة سينما:
افلام الموسم:
انا والمواد(اكشن)
عايز اجيب امتياز(خيال علمى)
تايه فى المذاكرة(كوميدى)
انا زهقت(دراما)
بعد بكرة الامتحان(رعب)
مع مذاكرة سينما مش هتقدر تحل الامتحان