1- لمصلحة من أن لا يتحد الاخوان مع البرادعي خوفاً من تأثيرهم الشديد على الناس ؟
اكيد لمصلحة هذا النظام الفاسد .
2- لمصلحة من أن يورث الحكم في مصر من أجل حماية كبار الفاسدين في النظام خوفاً من فضحهم إذا اتى رئيس شريف ؟
اكيد لمصلحة هؤلاء الكبار الطالحين , مع هذا النظام الفاسد,
لأن ببساطة ابن الفاسد ,اكيد زيه ....
3- لمصلحة من أن يستمر الفساد في مصر ؟
لمصلحة هذا الحزب (الديكتاتوري)الذي يعلم جيدا انه اذا خرج من
السلطة لن يعود إليها ابدا ,, فإذا انتهى الفساد انتهى هذا الحزب
4- لمصلحة من التستر على صاحب رشوة مرسيدس ؟
هقولك لمصلحة الشعب !!!! ازاي ...
لأن الي اتستر علي رشوة المرسيدس بيتستر علي ملاين
الرشوات يوميا , فمنقلش : ليه اتستر ع المرسيدس ؟ نقول :
اشمعنى المرسيدس الي هيقولها؟ ... ماهو ساكت بقاله 30سنة
كان هيحصل ايه اما يتكلم , غير انه هيحرق دمنا و بس , فكرك
في حد هيتحاسب ؟ .. كان زمانهم كلهم في السجن , او في
غرف الاعدام!!!!
5- لمصلحة من جمع التوقيعات التي ترفض التغيير التى سمعنا عنها منذ بضعة أيام ؟
اكيد برده لمصلحة هذا النظام الغير منظم. لأن تغير يعني اصلاح
و اصلاح يعني زوال هذا النظام .
6- لمصلحة من الذين يرفضون مطالب التغيير السبعة ؟
المصلحة الموحدة لهذا النظام ..
7- لمصلحة من الذين يريدون استمرار قانون الطوارئ من أجل قتل حريات الناس و الحفاظ على الكرسي ؟
بيهزروا الي عاوزين يلغوا الطوارئ ....
امال الحكومة تعتقل اعضاء الاخوان المسلمين إزاي ..مش بالطوارئ
و تقبض علي شباب 6 ابريل إزاي ... مش بالطوارئ
و تسجن كل الي بيقوله لأ ازاي .... مش بالوارئ
و تعذب المواطن الي افتكر انه مصري إزاي ... مش بالطوارئ
و تقتل خالد سعيد تاني ازاي ..... مش بالطوارئ
8- لمصلحة من الذين يرفضون الإشراف القضائي على الإنتخابات ؟
لمصلحتهم .. انتو حفظتوهم بقي
9- لمصلحة من الذين يرفضون الإشراف على الدولي على الإنتخابات ؟
انهي انتخابات الي هيجوا يشرفوا عليها .. هو احنا عندنا انتخابات
10- لمصلحة من الذين يرفضون تصويت المصريين بالخارج ؟
مش اما يسيبه الي جوه يصوت ..... ع العموم المصري بيصوت في
اي حته.
11- لمصلحة من الذين لا يريدون قصر حق الترشح للرئاسة على فترتين ؟
ازاي يعني إذى كان دول معمرين, يعني العر الافتراضي بتاعهم من
80 وانت طالع!!!
12- لمصلحة من الذين يرفضون تغيير الدستور الذي تم تعديله بطريقة مشبوهة من أجل تفصيل مقاسه على جمال مبارك فقط لا غير ؟
لمصلحة جيمي و رجالته و رجال حزبه,,
أتمنى حد يجاويني,,
اي خدمة , وربنا يستر ,